مقطتفات زجل

20

رؤية وطن

مقطتفات زجل

بقلمي: شيماء الشربيني

متسيبش قلبك غير
للي مهوش بيخاف
وللي مش بخلان
فالسكه بمشاعر
ولو هواك معصيه
يعملها ويجاهر
وان قولتلو كلمه حلوه
يردها بالربا
لضعفها العاشر
ف غرامه مؤمن بيك
وبالجميع… كافر

لو حسيت انك مش فارق …
خلي كرامتك غاليه ..وفارق
عيد حساباتك أول ب اول
مهما يطول الفصل الأول
لسه طريقك برده مطول
إعمل فيه وقفات ..ومفارق

بخاف مالخوف يخوفني
بخوف اكبر
ولما ماخفش برده بخاف
لجام طيشي يسيب اكتر
أنا معرفش إمتي ماخفش
وأمتي الخوف يكون واجب
بحس الخوف رباط سايب
وبربطه كل ما بقدر
#شيموفرينيا