الخوف مالَّي الجُوف

202

رؤية وطن

الخوف مالَّي الجُوف

بقلمي /سلوى صبح

بحس الدنيا دي شبح
زارع في قلبي الخوف
موهوم أنا وبشتكي
والخوف ده ملو كفوف
ضِله مغطي حياتي
بغموضه غير معروف
أفكر ساعتها في هرب
يمكن طريق مستور
أفِر منه لقضا
ونصيب ما يصبح خوف
ولا قادر أجري كأني
متكتِّف بلَّف وأطوف
حواليا مدن وحصون
قلقها وهم وخوف
كأنه انكتب على جبيني
أيام أعيشها ألوف
أتوه مابينها ساعات
والخوف ده مالي الجُوف
محبوس وجوه خزانة
وكإني أنا المخطوف
مراحلي فيها الحركة
ما بين كسوف وخسوف
وجوه الروح كانت غُصة
ولا لاقي حد عطوف
مخطوفة مني سعادتي
وعن فرحتي محدوف
ومن حوارَّي لشوارِع
مسكون أنا بكهوف
نفسي أعيش الشغف
للحبّ أنا ملهوف
ولنفسي شوق الرضا
للقلب كان موصوف
قالوا السعادة الرضا
وأهو هو ده المألوف.
#بالعامية بقول.
بقلمي :سلوى صبح.
#مسابقة.